Мінскія выратавальнікі дасталі ката з-пад кіёска — той уцёк, бо не хацеў ехаць у ветклініку
Мінскія выратавальнікі дапамаглі дастаць з-пад кіёска спалоханага ката, паведаміла карэспандэнту БелТА афіцыйны прадстаўнік Мінскага гарадскога ўпраўлення МНС Вольга Мельчанка.
Вот такая #мимими стори: бедолага так испугался ветлечебницы, что застрял под почтовым киоском. Благо, что наши ребята @112by смогли подъехать и помочь. pic.twitter.com/ryNNdgmgcR
Кур'ёзны выпадак адбыўся сёння раніцай ля прыпынку на вул. Маякоўскага. «Гаспадыня везла ката ў ветэрынарную клініку, той спалохаўся і ўцёк пад кіёск « Белсаюздруку», дзе засеў. Жанчына выклікала ратавальнікаў. Работнікі МНС з дапамогай гідраўлічнага інструмента паднялі кіёск, дасталі жывёлу і перадалі гаспадыні», — распавяла Вольга Мельчанка.
Як адзначаюць у МНС, падобныя здарэнні не ўваходзяць у кампетэнцыю ратавальнікаў і кожная падобная сітуацыя разглядаецца індывідуальна. Аднак пры наяўнасці магчымасці ратавальнікі адгукаюцца на такія выпадкі.