Заробак Мэсі абагнаў зарплату астатніх зорак футбола
Форвард «Барселоны» Ліянэль Мэсі стаў першым футбалістам у гісторыі, чый аклад склаў больш за 100 мільёнаў еўра ў год. Пра гэта паведамляе L'Equipe са спасылкай на Football Leaks.
Адзначаецца, што паводле новага кантрактае аргенцінец атрымлівае 104 мільёны еўра ў год да выплаты падаткаў — больш, чым хто-небудзь у гісторыі футбола. Пасля выплаты падаткаў заробак Мэсі складае крыху больш за 50 мільёнаў у год, што таксама з'яўляецца сусветным рэкордам.
Бразілец Неймар, які выступае за ПСЖ, атрымлівае 36,8 мільёнаў у год чыстымі, а аргенцінец Карлас Тэвес, што да студзеня 2018 года выступаў за кітайскі «Шанхай Шэньхуа», атрымліваў 38 мільёнаў.
З улікам іміджавых паступленняў, падпіснога бонуса і бонуса за лаяльнасць штогадовы даход Мэсі ў «Барселоне» складае 104 мільёны еўра ў год.
