Даслаць навіну
Знайсці
12.01.2018 / 14:12 46

Мінадукацыі: У чытачоў «НН» можа скласціся памылковае ўражанне, што міністр Карпенка падтрымлівае нефармальныя сувязі з ідэолагам Івановым

Міністр адукацыі Ігар Карпенка не падтрымлівае нефармальныя сувязі з грамадзянінам Андрэем Івановым, які праводзіў семінары для беларускіх ідэолагаў.

Ліст з адпаведным зместам ад імя ведамства быў дасланы ў Рэдакцыю «Нашай Нівы». Прыводзім яго ў перакладзе на беларускую мову ў нязначным скароце.

Павялічыць выяву

Ігар Карпенка. Фота Сяргея Гудзіліна.

«У матэрыяле nn.by «З 1991 года краіна акупаваная. У інтэрнэт трапіла шакуючае ВІДЭА семінара для беларускіх ідэолагаў» была размешчана фатаграфія міністра адукацыі Ігара Карпенкі, зробленая падчас асабістага прыёму грамадзян.

Павялічыць выяву

Андрэй Іваноў (другі злева) на сустрэчы з міністрам адукацыі Ігарам Карпенкам (у цэнтры) у лістападзе 2017 года.

На прыём 1 лістапада 2017 года запісаліся чатыры чалавекі: Андрэй Кузьміч, Аркадзь Розбаш, Дзмітрый Чабурканаў, Андрэй Іваноў. Падчас прыёму міністру адукацыі былі зададзены пытанні, звязаныя з укараненнем здароўезберагальных методык В.Базарнага ў Беларусі на дзяржаўным узроўні і ўключэнне іх у праграму. Пасля размовы яны папрасілі зрабіць сумеснае фота. Да матэрыялу «Нашай Нівы», у якім згадваюцца, цытата: «масоны», «надыудзейскі прэдыктар», «спаленне вёсак», «сусветны парадак», «вашынгтонскі кансэнсус», «гімн дэманізму» ды іншае фотаздымак Ігара Карпенка ніякага дачынення не мае.

Таксама пад фота з Ігарам Карпенкам (у рэальнасці праз два абзацы пасля ілюстрацыі — Рэд.) размешчана рытарычнае пытанне: «Якія лекцыі можа чытаць беларускім чыноўнікам прыхільнік ДНР?» У чытача, мабыць, павінна скласціся ілжывае ўражанне, што грамадзяне з фатаграфіі чыталі нейкія лекцыі міністру адукацыі, падтрымліваюць з ім нефармальныя сувязі і іншае.

На нашу думку, аўтар наўмысна ўводзіць чытача ў зман, тым самым спрабуючы дыскрэдытаваць службовую асобу або нанесці шкоду нацыянальным інтарэсам Беларусі.

Відавочна, апублікаваная фатаграфія была ўзятая «Нашай Нівай» з сацыяльнай сеткі без ўказанні крыніцы і аўтара фота. Ні на якіх афіцыйных сайтах яна не размяшчалася, не прадастаўлялася прэс-службай Міністэрства адукацыі і ніяк не звязаная з чытаннем нейкіх «лекцый», якім прысвечаны артыкул», — паведамляецца ў нефармальным лісце без выходнага нумару.

Напрыканцы складальнікі зварота просяць прыбраць з артыкула любыя згадкі пра Ігара Карпенку, а таксама прыбраць з сайта «Нашай Нівы» апублікаваны фотаздымак.

Ліст быў адпраўлены з электроннай пошты presstsentr@mail.ru і падпісаны «Міністэрства адукацыі». Гэтай электроннай скрыняй карыстаецца ведамства, у прыватнасці, на яе прымаліся заўвагі да Кодэкса аб адукацыі.

Фотаздымак, апублікаваны ў артыкуле, меў ілюстрацыйны характар, ён фіксаваў той факт, што грамадзянін Андрэй Іваноў прымаў удзел у сустрэчы з удзелам міністра Ігара Карпенкі. «Наша Ніва» не мела на мэце дыскрэдытацыю службовай асобы або нанясенне шкоды нацыянальным інтарэсам Беларусі.

0
Назар / адказаць
14.01.2018 / 00:12
 Краснопузая коммуно-фашистская гадина задрожала
0
ў / адказаць
14.01.2018 / 02:02
Прадаюць Беларусь і цалкам і ў розніцу.....
0
Федор / адказаць
14.01.2018 / 02:47
  Если РУмирские скрепы прикажут, то на министерское место комуняцкой блевотины Карпэнтэра местечковые колхозные холуи вмиг поставят ватного дэнээровского идиолуха-пропаган@она Иванопулу :-) ОТ ПЕРЕМЕНЫ МЕСТ СЛАГАЕМЫХ  СУММА НЕ МЕНЯЕТСЯ  - и тот и другой ордынская креатура поставленная на уничтожение нашего гос-ва и нас :- (
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31