Беларусы ў 2017 годзе прадалі валюты больш, чым купілі

Беларусам у мінулым годзе давялося часцей вымаць з валютных скарбонак, чым укладаць туды. Пра гэта сведчаць статыстычныя дадзеныя Нацыянальнага банка, паведамляе БелТА.

З пачатку 2017 года жыхары нашай краіны прадалі наяўнай і безнаяўнай валюты на $8,296 млрд у эквіваленце, набылі — на $6,537 млрд. Чысты продаж замежнай валюты фізічнымі асобамі склаў $1,758 млрд.

Суб'екты гаспадарання — рэзідэнты Беларусі ў 2017 годзе прадалі замежнай валюты на $18,178 млрд у эквіваленце, набылі — $19,058 млрд. Нерэзідэнты Беларусі за 12 месяцаў прадалі валюты на $539,94 млн у эквіваленце, набылі — $226,06 млн.

belta.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0