Знайсці
08.01.2018 / 06:272РусŁacБел

Дзівосы надвор'я 2018 года: у Сіднэі анамальная спёка — +47

Надвор'е на Зямлі працягвае здзіўляць. На ўсходзе ЗША маразы і снегапады, у Беларусі некалькі дзён вышэй за нуль, затое ў аўстралійскім Сіднэі нядзеля ў найбуйнейшым горадзе Аўстраліі аказалася самым гарачым днём за апошнія 79 гадоў — тэмпература паветра дасягнула 47,3 градуса, піша Бі-бі-сі.

Гарачэй за ўсё было ў Пенрыце, на захад ад Сіднэя.

Улады папярэджваюць аб небяспецы ва ўсім раёне Сіднэя. Жыхарам забаронена распальваць вогнішчы і смажыць на вуліцы шашлыкі.

Тэмпература паветра амаль дасягнула рэкорду 1939, тады ртутны слупок тэрмометра падняўся да адзнакі 47,8.

Тым часам у Сіднэі праходзіць міжнародны матч па крыкеце паміж Англіяй і Аўстраліяй. Градуснік на стадыёне паказваў 57 градусаў. Англійскія гульцы сапраўды не прывыклі гуляць пры такой спякоце.

А ўдзельнікі міжнароднага сіднэйскага тэніснага турніру былі вымушаныя пакінуць корт у 10 раніцы па мясцовым часе, пасля таго як тэмпература паветра паднялася да 43 градусаў.

Жыхары Сіднэя ратуюцца на пляжы. Фота Reuters.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера