Чыгуначны пасажырапаток паміж Украінай і Еўрасаюзам за год павялічыўся ў 5,5 разу
Выканаўца абавязкаў старшыні праўлення Украінскай чыгункі Яўген Краўцоў паведаміў, што за 2017 год у міжнародным чыгуначным злучэнні паміж Украінай і Еўрасаюзам перавезена ў 5,5 разу больш пасажыраў, чым за 2016 год.
Украінскі цягнік Intercity
Толькі за 11 месяцаў 2017 года Украінская чыгунка перавезла 205 тысяч пасажыраў у гэтым напрамку. Для параўнання, за 2015 год лічба складала толькі 23,8 тысячы пасажыраў.
Адразу пасля ўвядзення бязвізавага рэжыму з Еўрасаюзам, «Украінская чыгунка» істотна павялічыла колькасць бесперасадачных маршрутаў на Захад.
Зараз з Украіны без перасадак можна дабрацца ў Польшчу (Варшаву, Пярэмышаль, Хэлм), Славакію (Кошыцы), Чэхію (Прага), Венгрыю (Будапешт), Аўстрыю (Вена), Румынію (Бухарэст). Таксама ўлетку беларускім цягніком з Кіева можна дабрацца да балгарскай Варны.
