ЗВР Беларусі за год выраслі амаль на 50%
Міжнародныя рэзервовыя актывы Рэспублікі Беларусь на 1 студзеня 2018 года, па папярэдніх звестках, склалі 7 315,3 млн. даляраў ЗША (у эквіваленце), паведамляе прэс-служба nbrb.by.
За снежань 2017 года золатавалютныя рэзервы знізіліся на 98,4 млн. долараў ЗША (на 1,3 працэнта) пасля росту ў лістападзе 2017 года на 18,4 млн. долараў ЗША (на 0,2 працэнта).
Стрымальны ўплыў на дынаміку міжнародных рэзервовых актываў у снежні аказала планавае пагашэнне ўрадам і Нацыянальным банкам Рэспублікі Беларусь знешніх і ўнутраных абавязацельстваў у замежнай валюце на суму каля 501 млн. долараў ЗША.
Падтрыманню ўзроўню золатавалютных рэзерваў у снежні спрыялі паступленне сродкаў ад продажу Нацыянальным банкам і Міністэрствам фінансаў аблігацый, намініраваных у замежнай валюце, паступленне замежнай валюты ў бюджэт, у тым ліку ад збірання экспартных пошлін на нафту і нафтапрадукты. Станоўчы ўплыў на ўзровень рэзерваў таксама аказала павелічэнне кошту манетарнага золата.
Асноўнымі напрамкамі грашова-крэдытнай палітыкі на 2017 год быў прадугледжаны рост золатавалютных рэзерваў у вызначэнні ССРД МВФ не менш чым на 500 млн. долараў ЗША.
У цэлым па выніках 2017 года прырост рэзерваў склаў 2 388 млн. долараў ЗША (48,5 працэнта).
Асноўнымі фактарамі росту ўзроўню золатавалютных рэзерваў у 2017 годзе сталі прыцягненне сродкаў ад продажу Нацыянальным банкам і Міністэрствам фінансаў Рэспублікі Беларусь аблігацый, намініраваных у замежнай валюце, паступленне замежнай валюты ў бюджэт, у тым ліку ад збірання экспартных пошлін на нафту і нафтапрадукты, купля Нацыянальным банкам замежнай валюты на таргах ААТ «Беларуская валютна-фондавая біржа», паступленне траншаў фінансавага крэдыту Еўразійскага фонду стабілізацыі і развіцця, паступленне сродкаў крэдыту Урада Расійскай Федэрацыі, а таксама павелічэнне кошту манетарнага золата.