Мужчына спрабаваў абрабаваць АЗС у Мінску

Пагражаючы прадметам, падобным на абрэз, мужчына спрабаваў абрабаваць АЗС у Мінску, паведамляе guvd.gov.by

Інцыдэнт адбыўся сёння каля 10.00 на адной з аўтазаправачных станцый па вул. Ціміразева.

Мужчына, пагражаючы падобным на абрэз прадметам, запатрабаваў у аператараў АЗС грошы. Аднак яны не разгубіліся і змаглі перадаць сігнал трывогі праваахоўнікам.

Ужо праз 2 хвіліны да АЗС прыбылі два нарады Дэпартамента аховы МУС. Убачыўшы міліцыю, мужчына выкінуў муляж зброі і паспрабаваў збегчы, але быў затрыманы.

Запраўку спрабаваў абрабаваць 40-гадовы мінчук.

Цяпер на месцы здарэння працуе следча-аператыўная груп.

0

0

0

0

0

0