Даслаць навіну
Знайсці
02.01.2018 / 16:37 37

Жыхарка Салігорска сцвярджае, што машына ДАІ збіла яе на пераходзе

Павялічыць выяву

Жыхарка Салігорска Вольга Шарыдода сёння, 2 студзеня, знаходзіцца на бальнічным ложку. Яна распавяла abw.by, што раніцай 29 снежня яе на пешаходным пераходзе збіў службовы аўтамабіль ДАІ.

Па словах Вольгі, медыкі паставілі ёй дыягназ «закрытая чэрапна-мазгавая траўма, страсенне мазгоў, удары ног».

Усё гэта яна атрымала пасля таго, як яе збіў аўтамабіль ДАІ і яна ўпала на праезную частку. Цяпер Вольга праходзіць лячэнне.

Вольга распавяла: «Раніцай 29 снежня ў 7.50 у горадзе Салігорску, пераканаўшыся ў бяспецы, пачала пераходзіць дарогу. Там нерэгуляваны пешаходны пераход на даволі шырокай вуліцы Леніна ў раёне дома 36 каля магазіна Ziko. Пераход нядрэнна асвятляецца. Я паспела перайсці толькі адну паласу, як была зьбітая патрульнай машынай ДАІ. Ад сутыкнення было разбітае лабавое шкло з боку пасажыра.

Мяне паднялі, агледзелі і пасадзілі ў машыну.

У аўтамабілі інспектар знаходзіўся адзін. Хуткую ён не прапанаваў выклікаць — крыві не відаць, рукі-ногі цэлыя, затое выклікаў калегу па аддзеле. Замеры і ўсё іншае былі зробленыя вельмі хутка».

Вольга сцвярджае, што сведак ДТЗ нават і не спрабавалі запісаць, хоць такіх было шмат. «На фота не відаць, але ў гэты час у арцы стаялі машыны, людзі ехалі на працу. Пасля мяне завезлі ў прыёмны пакой і сышлі. Толькі хвілін праз 10—15 лекар запрасіў мяне ў кабінет.

Хутка прыехала начальства ДАІ, нешта там пастаялі і так жа хутка зніклі, ніхто не спытаў пра маё самаадчуванне. Далей супрацоўнікі ДАІ завялі ў кабінет. Лекар пачаў агляд, апытанне. Супрацоўнікі сышлі, а мяне накіравалі ў паліклініку да неўрапатолага.

І далей пачалося маё хаджэнне па кабінетах. У неўрапатолага высветлілася, што ад пачатку ў прыёмным пакоі ў картцы мне напісалі, што я ішла і рэзка ўпала, таму і было адмоўлена ў МРТ. Калі сядзела пад кабінетам, патэлефанавала ў ДАІ і сказала, што так не робіцца, маўляў, вы мяне прывезлі і кінулі. На што мне адказалі, што зараз прыедзе супрацоўнік. Прыехаў ён, калі ўсе кабінеты я ўжо прайшла.

Павялічыць выяву

У прыёмным пакоі не палічылі патрэбным пакласці ў бальніцу на абследаванне. Пасля інспектар даставіў мяне ў ДАІ, тут склалі пратакол здарэння. Увесь гэты час (да прыезду хуткай) са мной знаходзілася калега, яе таксама апыталі.

Пасля ДАІ пайшла на працу (у картцы ў мяне было напісана «працаздольная»), дзе страціла прытомнасць. Калегі выклікалі хуткую, я была шпіталізавана, мяне паклалі ў шпіталь на абследаванне.

Павялічыць выяву

Цяпер не ведаю, што мне рабіць. Яшчэ на працы паспелі скласці зварот у салігорскую пракуратуру, спадзяюся, там разбяруцца».

Каментар з нагоды таго, што адбылося, abw.by атрымаў у ДАІ Мінскай вобласці.

Там паведамілі наступнае:

— 29 снежня каля 7 гадзін 50 хвілін кіроўца службовага аўтамабіля ДАІ Салігорскага РАУС Opel Astra здзейсніў наезд на жанчыну-пешахода. Мясцовая жыхарка 1986 года нараджэння перасякала вуліцу Леніна па пешаходным пераходзе, што справа налева па адносінах да аўтамабіля.

Пацярпелая аператыўна была дастаўлена ў бальніцу. У медыцынскай установе па выніках абследавання пастаўлены дыягназ «удары, гематома, стан алкагольнага ап'янення лёгкай ступені». За рулём службовага аўтамабіля знаходзіўся супрацоўнік аддзела ДАІ Салігорскага РАУС 1974 года нараджэння. ДТЗ адбылося ў цёмны час сутак на асветленым участку дарогі. Стан праезнай часткі — мокры асфальт. Супрацоўнік ДАІ знаходзіўся на службе, прайшоў агляд на ступень фізічнага стану ў медыцынскай установе.

Па дадзеным выпадку УУС Мінскага аблвыканкама праводзіць праверку, пасля заканчэння якой будуць дадзены прававыя ацэнкі ДТЗ.

P.S. Азнаёміўшыся з адказам ДАІ, Вольга адзначыла, што «так, у прыёмным пакоі траўматолаг даў мне дыхнуць у нейкі прыбор. Але звесткі нідзе не зафіксаваны, я нічога не падпісвала… Калі пешаход пераходзіць дарогу, выконваючы ПДР, па пераходзе, якая розніца, у якім стане ён знаходзіцца?»

0
УВАСЯ / адказаць
03.01.2018 / 09:19
Андрусь, Во-первых алкотест поверяется раз в полгода, во-вторых кровь из вены берут при дтп с тяжкими телесными, в третьих почему не проверили инспектора, в четвертых трактуется однозначно - находилась в состоянии алкогольного опьянения ( а это 0,3 промилле и более) или не находилась!!! Никаких степеней не указывают!!! Если меньше чем 0,3 вердикт такой- установлен факт употребления алкоголя, признаков алкогольного опьянения не выявлено!!! P.S. Как по мне, так инспектор походу врача перед выездом не проходил, а просто путевку со штампом получил)))
0
пешеход / адказаць
03.01.2018 / 13:31
гнать в шею этого гаиста с работы, пусть пополнит армию тунеядцев
0
народ / адказаць
03.01.2018 / 16:50
Ось жа i хлуслiва брахлiвыя ... што ў бальнiцы што ў ДАI.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31