Даслаць навіну
Знайсці
20.12.2017 / 19:57 5

Натхняльны інстаграм беларускі, паштоўкі і гульні якой вы стопрацэнтова бачылі

Штотыдзень мы дзелімся з вамі талковымі профілямі. Для натхнення і не толькі.

Нягледзячы на тое, што абедзве адукацыі Волі Кузьміч далёкія ад мастацтва (механіка-матэматычны факультэт БДУ і права ў Эканамічным універсітэце), яна знайшла сябе менавіта ў ілюстрацыях і анімацыі.

Воля Кузьміч.

Гэта яе малюнкі вы маглі бачыць у калекцыі «Як чуецца — так і малюецца», вулічным арт-праекце Freedom on Paper і на шматлікіх паштоўках з нацыянальным каларытам, у тэлерэкламе, на сайтах і ў мабільных дадатках.

У гэтым сезоне зусім не будзе часу абнавіць па крамах запасы святочных паштовак з маімі ілюстрацыямі аднак у дзве-тры сталыя «дылерскія» кропкі абяцаюся падвезці ☺️ Таму на калядных кірмашах калі й можна будзе знайсці маё, то толькі калі нехта з «маіх» крамаў там будзе ☝️ Альбо можа хто з майстроў з блізкай канцэпцыяй прапануецца на ўзаемавыгодных умовах захапіць і мой паштоўкавы стэнд? Паспрабавала палічыць, а ў мяне ўжо болей 20 відаў паштовак і амаль столькі ж кубкаў! І ў любую працоўную фортку хочацца намаляваць яшчэ Але астужаю сябе, астужаю

Публикация от Vola Kuzmich (@animatarka)

Цяпер яна ілюструе кнігу «Казкі старога Адамкова» Наталкі Харытанюк пра дзіцячыя прыгоды ў старым Берасці.

Воля нарадзілася «ў сэрцы клубнічнага рэгіёна», на Лунінеччыне. Яе бацькі, як кажа яна сама, людзі зямлі. Усё яе дзяцінства прайшло ў вёсцы. Для яе Палессе і родны двор — гэта месца сілы, таму яна бывае там кожны сезон і тады «інстаграм з будняў ілюстратара і lifestyle-блогу ператвараюцца ў наўпростыя ўключэнні з палескай вёскі».

Пчолы ў маёй галаве!

Публикация от Vola Kuzmich (@animatarka)

Нядаўна з нагоды 90-годдзя бабы Дусі Воля намалявала сямейны радавод, з якога бачна, што ад бабулінага кахання з'явіліся больш за 60 чалавек. Паглядзіце, які цуд!

Акрамя чароўных працоўных момантаў і будняў палескай вёскі, у інстаграме Волі можна сачыць за тым, як расце яе сын Леў.

«Нараджэнне сына амаль не змяніла мой працоўны рытм, хіба што паскорыла яго. Нібыта дадалося новае вымярэнне. Я вельмі радая, што магу і працаваць, і гадаваць дзіцяці, і расці прафесійна. Пакуль Леў маленькі, асабліва хочацца быць разам з ім, назіраць, як ён мяняецца, расце. Сын часта побач, калі я ладжу прэзентацыі, майстар-класы, а часам можа раптоўна «далучыцца» да працоўнай анлайн-канферэнцыі», — расказвае Воля.

Пятніца. Вечар. Трэцім будзеш? ✌️

Публикация от Vola Kuzmich (@animatarka)

Мая любімая гульня з дзяцінства - хованкі! А ў Льва зараз самы такі выгодны мне ўзрост, калі больш любіць шукаць, чым хавацца сам Таму ў мяне цяпер рэжым: папрацавала, адпачні, схавайся і пад гучнае тупаценне знайдзіся ✨ А ў маім вясковым дзяцінстве маштаб гульні закранаў некалькі падворкаў. Гулялі цэлымі сем’ямі, ад маленькіх да старых, а абмежаванні былі тыпу «Не хавацца ў хатах і на сенавале» ☝️

Публикация от Vola Kuzmich (@animatarka)

КК

4
Максим Дизайнер / адказаць
21.12.2017 / 10:04
Андрусь , Ну, да. Такой как ты точно не нужен.
1
Ken / адказаць
21.12.2017 / 10:14
Аліна , Прыгажосьць7 І толькі?... Не.. Гэта капец... у сэнсе --- хараство... я закахаўся... гэта маё...
0
Vitaut Arabello / адказаць
21.12.2017 / 19:44
Маю паштоўку ад Волі з зубрам у вязанцы на ровары. Жадаю поспеху ў асабістым жыцці і творчага натхнення! Таксама вырабляю паштоўкі, мая тэма - віртуальная Беларусь: https://www.facebook.com/media/set/?set=a.1899729720052567.1073741833.100000466721656&type=1&l=c487bb0241
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30