Курс біткойна прабіў адзнаку $19 000
Курс біткойна пераадолеў адзнаку $ 19 тысяч за манету, аднак не змог замацавацца на новых узроўнях і адкаціўся ніжэй. Рост кошту гэтай крыптавалюты адбыўся ў чаканні пачатку таргоў ф'ючэрсамі на біткойн на таварнай біржы CME, піша РБК.
Фота: Chris Ratcliffe / Bloomberg
Самая папулярная ў свеце крыптавалюта біткойн на таргах у суботу, 16 снежня, зноў падаражэла: яе курс падымаўся вышэй за адзнаку $19 тыс. за манету. На піку цана аднаго біткойна дасягала $19 060, аднак пазней адбылася карэкцыя і па стане на 20:57 нашага часу адзін біткойн каштаваў $18 892, а капіталізацыя гэтай крыптавалюты перавысіла $316 млрд.
Курс біткойна вырас у чаканні пачатку таргоў ф'ючэрсамі на гэтую крыптавалюту на найбуйнейшай у свеце таварнай біржы CME Group, якія прызначаныя на 18 снежня 2017 года.
Cboe Global Markets (CME) пачаў таргі ф'ючэрсамі на біткойн 11 снежня. Гэта выклікала ажыятаж на рынку і біржа была вымушана прыпыняць таргі праз бурны рост цэн, каб знізіць валацільнасць, а рост трафіку на сайт Cboe прывёў тады да запаволення яго загрузкі. Кошт ф'ючэрсаў за лічаныя гадзіны таргоў узляцеў тады на 25%.
