Billboard назваў найлепшую песню 2017 года. І гэта не Despacito
Селена Гомес, AP
Амерыканскі часопіс Billboard апублікаваў рэйтынг з 100 найлепшых песень 2017 года. Яго лідарам стала амерыканская выканаўца Селена Гомес з песняй Bad Liar, у той час, як Despacito Луіса Фонсі і Дэдзі Янкі, кліп на якую стаў самым папулярным відэа ў гісторыі YouTube, заняла толькі чацвёрты радок.
Bad Liar, напісаная ў стылі поп-рок, выйшла ў маі. Ужо тады крытыкі называлі яе «адной з найлепшых песень года».
На другім месцы рэйтынгу апынулася песня амерыканкі Кард Бі Bodak Yellow.
Трэці радок рэйтынгу заняла песня спевака з Вялікабрытаніі Кэлвіна Харыса Slide.
Хіт Луіса Фонсі пад назвай Despacito апынуўся на чацвёртым месцы. Пры гэтым у 2017 годзе кліп на песню стаў самым папулярным у гісторыі YouTube. ДА 15 снежня ён набраў больш за 4,5 млрд праглядаў.
