Даслаць навіну
Знайсці
14.12.2017 / 21:21 34

Лідар БНФ Кастусёў правёў сустрэчу ў Адміністрацыі прэзідэнта наконт святкавання 100-годдзя БНР

Старшыня Партыі БНФ разам з мастаком Міколам Купавам 14 снежня мелі сустрэчу з начальнікам галоўнага ідэалагічнага ўпраўлення Адміністрацыі прэзідэнта Аляксандрам Ільясевічам. Гаворка зайшла аб святкаванні 100-годдзя незалежнасці Беларускай Народнай Рэспублікі.

Павялічыць выяву

Рыгор Кастусёў. Фота Сяргея Гудзіліна.

Кастусёў дабіваўся сустрэчы ўжо пэўны час: пісаў электронныя лісты, тэлефанаваў. «13 снежня дзесьці а 21-й вечара мне паведамілі, што сустрэча адбудзецца».

Мы перадалі сем з паловай аркушоў прапановаў адносна святкавання даты 25 Сакавіка. Гэта і ўсталяванне памятных шыльдаў на дамах, звязаных з БНР, і сумеснае святкаванне незалежнага грамадства і ўладаў, і правядзенне супольнага палітдня на прадпрыемствах на тэму БНР, і шмат усяго іншага», — расказвае Кастусёў.

Паводле словаў старшыні Партыі БНФ, галоўны ідэолаг Адміністрацыі ўспрыняў сустрэчу «на пазітыве». «Ён быў вельмі зацікаўлены, задаваў шмат пытанняў пра тыя падзеі. Таксама мы адзначылі, што не мусіць паўтарыцца той сцэнар 25 Сакавіка, які быў сёлета, калі дэманстрантаў разагналі з цэнтру горада. Агулам сустрэча доўжылася каля гадзіны», — адзначае Кастусёў.

Прапановы Кастусёва і Купавы Ільясевіч мае перадаць кіраўнічцы Адміністрацыі Наталлі Качанавай. Цягам чатырнаццаці дзён улады абяцаюць даць першы адказ адносна гэтых прапановаў.

Таксама Кастусёў самастойна сёння перадаў прапановы па адзначэнні 100-годдзя незалежнасці БНР у Савет міністраў і Мінгарвыканкам. Ён таксама рыхтуе прапановы Міністэрству замежных справаў, Міністэрству культуры, Акадэміі навук і іншых дзяржаўным структурам.

«Ёсць спадзяванне, што нешта атрымаецца», — падводзіць выснову Рыгор Кастусёў.

***

На тэлеграм-канал «Нашай Нівы» можна падпісацца тут.

Зміцер Панкавец

0
Бін / адказаць
16.12.2017 / 01:12
Михалина,сярод дзесяці пунктаў, якія спадар Кастусёў прапануе дзяржаўным структурам у межах іх удзелу у адзначэньні даты стагоддзя БНР, ёсьць у тым ліку і такі: "8. Прапаную Міністэрству замежных спраў засведчыць прызнанне гістарычнага значэння абвяшчэння Беларускай Народнай Рэспублікі наладжванем дыялогу з дзеючай Радай БНР. Лічу мэтазгодным дзеля гэтай мэты афіцыйна запрасіць у Беларусь старшыню Рады БНР Івонку Сурвілу  для ўдзелу ў мерапрыемствах адзначэння стагоддзя БНР." - так што ў пэўным сэнсе вашая прапанова часткова ўлічаная ў дакуменце, які падае сп. Кастусёў дзяржаўным органам.
1
Олег / адказаць
16.12.2017 / 09:49
либэбник Вотруба, деятельность этих людей можно даже не изучать, она давно изучена и оценена властью. Все лежит прямо на поверхности. Одни разъезжают по Брюсселям и райисполкомам, а на другой стороне - Гончар и Захаренко.
0
Управа БНФ / адказаць
18.12.2017 / 10:15
 Тымчасам атрыманы адказ з МЗС: фільм пра дыпляматыю БНР абяцаюць зьняць, можа быць, больш нічога рабіць не будуць http://narodny.org/?p=16390
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
снежань студзень люты
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31