Чатыры беларускія гарады трапілі на сусветную карту самых забруджаных
Амерыканскія эксперты правялі даследаванні і выявілі самыя забруджаныя гарады ва ўсіх краінах свету, а затым нанеслі іх на адмысловую карту. Чатыры беларускія гарады патрапілі ў поле зроку экспертаў: Гомель, Жлобін, Мінск і Магілёў.
На карце бачна, што ўзровень забруджвання вагаецца ў залежнасці ад шчыльнасці насельніцтва гарадоў, так, у Індыі і тым жа Кітаі, гарады, дзе колькасць жыхароў вышэйшая, маюць самы вялікі ўзровень забруджвання, піша rodovid.me.
Выключэннем з'яўляецца Афрыка, якая менш густанаселеная, але ўсё роўна мае высокія ўзроўні забруджвання з-за прысутнасці ў паветры вялікай канцэнтрацыі мінеральнага пылу з Сахары (Saharan mineral dust).
Рэгіёны са «здаровым» паветрам адзначаны жоўтым колерам.
Карта створана дзякуючы атрыманым дадзеным ад кампаніі «Carbon Monitoring for Action» (CARMA), якая мае ў сваім распараджэнні інфармацыю аб вугляродных выкідах больш чым 60 тысяч электрастанцый і 20 тысяч энергетычных арганізацый па ўсім свеце.