Даслаць навіну
Знайсці
14.12.2017 / 10:40 44

Як беларус пабудаваў хату з пяску і гліны за $1000 і застаўся ў ёй зімаваць ФОТЫ

Мазырчук Яўген Раеўскі вырашыў пераехаць у вёску і пабудаваць сабе хату з экалагічна чыстых матэрыялаў, прычым амаль неапрацаваных. На ўсё яму спатрэбілася не больш за тысячу даляраў.

Сакрэтамі будаўніцтва ён дзеліцца ў сацыяльных сетках, у тым ліку вядзе відэаблог на ютубе.

Павялічыць выяву

Фота гэтае і ніжэй: vk.com/naturalbuilding

Яўген перакананы, што варта будаваць такія дамы, у якіх не толькі зручна і ўтульна жыць, а якія павінны забяспечыць чалавеку натуральныя ўмовы пражывання.

Павялічыць выяву

Яўген Раеўскі. Фота з асабістай старонкі героя

Таму ён прыйшоў да ідэі будаваць хаты з матэрыялаў, якія знаходзяцца побач. Асноўнымі будаўнічымі матэрыяламі сталі пясок, гліна, вада, салома і дровы.

Павялічыць выяву

Болей за ўсё часу прыйшлося выдаткаваць на ўзвядзенне вонкавых сценаў з пяску, гліны і саломы — некалькі месяцаў. Крыху хутчэй былі пабудаваныя ўнутраныя перагародкі з дроваў і гліны. Уся канструкцыя трымаецца на драўляным каркасе.

У хаце маецца ўсё неабходнае для жыцця, у тым ліку кухня, невялічкая печ-мазанка і ложак побач з ёй. Агульная ж плошча дома — каля 45 квадратных метраў.

Павялічыць выяву

«Паўнавартаснае электрычнасці ў доме няма, — кажа Яўген. — Проста ад суседа працягнуў падаўжальнік, каб была магчымасць сілкаваць ноўтбук. Планую ў найбліжэйшы час афармляць дом і падлучацца да ЛЭП».

Невялічкія круглявыя акенцы, а таксама наяўнасць травы на даху робяць хату падобнай да жытла хобітаў. 

Павялічыць выяву

Вялікае акно маецца таксама ў цэнтры даху. 

Павялічыць выяву

На першы погляд дом можа здацца халодным і не прыстасаваным для зімовага жыцця. «Між тым, хоць тэарэтычна падлога і з'яўляецца халоднай, гэтага зусім не адчуваецца: на зямлю пакладзены пласт цэглы, а на яе — дубовыя бярвёны таўшчынёй 12 см», — распавёў «Нашай Ніве» гаспадар хаты. 

Нядаўна Яўген пафарбаваў сваю «прыродную» хату ў белы колер, што не спадабалася некаторым ягоным падпісчыкам. Цяпер, калі выпаў снег, хлопец падзяліўся новымі фотаздымкамі і напісаў:

«Мне вельмі шмат пісалі: «Навошта ты дом у белы колер пафарбаваў? Пясочны колер быў лепшы». Я сам не ведаў толкам, навошта яго пафарбаваў у белы колер, проста вось захацелася».

Павялічыць выяву

З надыходам зімы ўзнікла і пытанне стварэння камфортнае тэмпературы ў жыллі. Столь Яўген уцяпліў пілавіннем (пласт таўшчынёй 20—30 см). А вось са сценамі праблема вырашылася наступным чынам:

«З усходу, поўначы і захаду ў доме знаходзяцца памяшканні, якія на зіму зачыняюцца, жылы застаецца толькі цэнтральны пакой з печчу. У гэты момант на вуліцы 0…-2, тэмпература ў доме трымаецца на ўзроўні 20 градусаў. Калі палю печ, то тэмпература падымаецца да 22—23 градусаў», — распавядае Яўген Раеўскі.

Правесці зіму хлопец плануе ў сваёй «прыроднай» хаце, а на наступны год ужо запланавана будаўніцтва дома па такой жа тэхналогіі на суседнім участку. 

Павялічыць выяву

Ілья Параскевіч

3
хамса / адказаць
16.12.2017 / 23:06
Яська-гаспадар з-пад Вільні, вашая ступня такая маленькая, што баіцеся, што праваліцца ў невялікія (на мой погляд) шчыліны? а казалі ж некалі - маленькая ступня - маленькі чэлес.. відаць гэты знешне дамок для хобітаў не для хобітаў усё ж)
Партызаны, партызаны, Беларускія сыны!)
0
Палясоўшчык / адказаць
17.12.2017 / 19:39
Паехаў у "баці" ад радасці дах:
Жыллёва праблема - у вашых руках !
0
бульбарашык / адказаць
21.12.2017 / 19:42
Кали з вумом пыдысци, то за 1000магчыма зрабиць нешта годнае. У нас, вунь, абрэзки драуляныя, дый гарбыль па 25 далярау за куб продаюць, а падрэзку з газасиликата зусим дарэмна, тольки вывезци.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31