Даслаць навіну
Знайсці
12.12.2017 / 18:09 53

У чым прарыўнасць будучага дэкрэта аб ІТ? Тлумачалка

Павялічыць выяву

Нечуваны аптымізм у ІТ-асяродку выклікалі завярэнні Лукашэнкі, што ён гатовы падпісаць дэкрэт «Аб развіцці лічбавай эканомікі» да канца бягучага года.

Тэкст праекта дэкрэта, з якім азнаёмілася «Наша Ніва», насамрэч можна назваць прарыўным, калі ён будзе прыняты ў неабсечаным выглядзе.

Стаўка робіцца на спрашчэнне правілаў гульні ў беларускім ПВТ для замежных інвестараў, да таго ж легалізуюцца крыптавалюты. Глабальны намер палягае ў тым, каб пераўтварыць Беларусь з краіны «ІТ-аўтсорсера» ў самастойнага гульца, які працуе на сябе, а не на замежныя кампаніі.

Вось асноўныя пункты.

— Ад падатку на дададзеную вартасць (ПДВ) вызваляюцца замежныя кампаніі, якія аказваюць рэзідэнтам Парка высокіх тэхналогій маркетынгавыя, рэкламныя, кансультацыйныя і іншыя паслугі. (Напрыклад, для таго, каб прадаць мабільны дадатак, трэба купіць рэкламу. Google i Facebook — найбуйнейшыя пляцоўкі. Згодна з цяперашнім заканадаўствам, на кожныя $100 за рэкламу трэба сплаціць $20 ПДВ і $15 падатку на прыбытак замежнай арганізацыі. Канкурэнты з замежжа гэтых падаткаў не плоцяць, што робіць немагчымым прасоўванне прадукту на замежных рынках. Рэдакцыя дэкрэта выпраўляе гэтую хібу.)

— Рэзідэнты ПВТ атрымліваюць магчымасць праводзіць аперацыі з электроннымі грашыма без шэрагу ранейшых абмежаванняў, без дазволу Нацбанка адкрываць рахункі ў замежных банках, праводзіць грашовыя аперацыі з рухам капіталу толькі ў уведамляльным парадку, складаць першасныя ўліковыя дакументы адзінаасобна. (Падкрэсліваецца, што заканадаўства аб кантролі за замежнагандлёвымі аперацыямі на рэзідэнтаў ПВТ не распаўсюджваецца.)

— Асобным пунктам у дэкрэце адзначаецца магчымасць інвеставаць у ПВТ па брытанскім праве і заключаць дамовы, якія выкарыстоўваюцца ў міжнародным бізнесе.

— Рэзідэнтам ПВТ таксама спрашчаюць рэкрутынг замежных спецыялістаў: для такіх замежнікаў скасоўваюцца візы, а іх наймальнікам не трэба будзе атрымліваць дазволы, звязаныя з прыёмам на работу грамадзян іншых краін.

— У Беларусі цалкам легалізуюцца лічбавыя валюты і токены, ствараюцца ўмовы для ўцягнення крыптавалют у грамадзянскі абарот. У прыватнасці, майнінг (здабыццё электронных грошай) не прызнаецца прадпрымальніцкай дзейнасцю, дэклараванне крыптавалют фізічнымі асобамі непатрэбна, токены можна купляць, пакідаць у спадчыну, абменьваць на рэальныя грошы і гэтак далей (але ўсе аперацыі з крыптавалютамі будуць ажыццяўляцца праз рэзідэнтаў ПВТ, каб адкінуць махляроў — гэта стане дадатковай гарантыяй, чаго няма ні ў адной краіне). Прынамсі да 1 студзеня 2023 года гэтая дзейнасць не абкладаецца падаткамі.

Па ацэнках, пасля прыняцця дэкрэта і да 2030 года лічба занятых у ІТ вырасце да 100 тысяч чалавек (супраць 30 тысяч цяпер), аб'ём экспартнай выручкі мае вырасці да $4,7 мільярдаў на год (супраць $1 мільярда цяпер), замежныя інвестыцыі маюць вырасці на $3,2 мільярда — да $4 мільярдаў.

Таксама важна, што ўмовы допуску ў ПВТ застаюцца ранейшымі — толькі правераныя фірмы змогуць працаваць у такім рэжыме. Пры гэтым пашыраюцца сферы дзейнасці ПВТ: распрацоўка беспілотнага транспарту, штучнага інтэлекту, медыцынскія і біятэхналогіі, авіяцыйныя і касмічныя распрацоўкі.

ІТ-супольнасць мяркуе, што калі дэкрэт будзе прыняты ў поўным выглядзе, то гэта зробіць Беларусь лідарам у рэгіёне па вядзенні ІТ-бізнесу.

Апытанка

Арцём Гарбацэвіч

0
Касінер / адказаць
13.12.2017 / 19:32
"ўмовы допуску ў ПВТ застаюцца ранейшымі — толькі правераныя фірмы змогуць працаваць у такім рэжыме"
То бок правераныя на вернасць?)

https://nn.by/?c=ar&i=201696

1
Аляксандр comrade / адказаць
13.12.2017 / 22:18
Антон, "На наших глазах страна получает шанс в кои-то веки принять нормальный и полезный закон, но тут же вылазит куча критиков, которые не хотят, чтоб хоть где-то мы шли в ногу со временем  - нет, нифига, лучше всем сидеть в одинаковой куче проблем и ныть, ныть, ныть. Это будет честно и социально справедливо. Извращенное мышление какое-то, "лишь бы кому-то другому лучше не стало".
https://nn.by/?c=ar&i=201696#startcomments

складно вы поёте, но есть одно НО: уже 13-ый год созданы особые условия для отдельной отрасли. Этого времени выше крыши, чтобы мы "шли в ногу со временем". Но результат для общества нулевой. Только кошельки кислых на кипрах толстеют. Мне конечно не жалко было бы, если бы этот коммунизм не мой счет осуществлялся. Ведь если кто-то налоги не платит, то остальные платят за него. У нас даже безработных обложили налогами, но есть каста неприкасаемых, в сторону которых даже посмотреть боятся. Причем есть второй момент - их избыточные доходы создают повышенный спрос и как следствие рост цен. А у остальных, простите, доходы не растут. Можно конечно посмеятся, мол не сильно там цены вырастут из-за нескольких десятков тысяч айтишников. Да, на яйца и пельмени цены не вырастут, но на отдельных рынках этот рост цен может быть ощутим: например медуслуги, крафтовые бары или недвижимость.

0
qwerty / адказаць
15.12.2017 / 13:38
"Ослепительные перспективы развернулись перед васюкинскими любителями. Пределы комнаты расширились. Гнилые стены коннозаводского гнезда рухнули, и вместо них в голубое небо ушел стеклянный тридцатитрехэтажный дворец шахматной мысли. В каждом его зале, в каждой комнате и даже в проносящихся пулей лифтах сидели вдумчивые люди и играли в шахматы на инкрустированных малахитом досках…
Мраморные лестницы ниспадали в синюю Волгу. На реке стояли океанские пароходы. По фуникулерам подымались в город мордатые иностранцы, шахматные леди, австралийские поклонники индийской защиты, индусы в белых тюрбанах, приверженцы испанской партии, немцы, французы, новозеландцы, жители бассейна реки Амазонки и завидующие васюкинцам — москвичи, ленинградцы, киевляне, сибиряки и одесситы. Жители Москвы, стесненные жилищным кризисом, бросятся в ваш великолепный город. Столица автоматически переходит в Васюки. Сюда приезжает правительство. Васюки переименовываются в Нью-Москву, Москва — в Старые Васюки. Ленинградцы и харьковчане скрежещут зубами, но ничего не могут поделать. Нью-Москва становится элегантнейшим центром Европы, а скоро и всего мира."
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
снежань студзень люты
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31