Deutsche Bank папярэджвае: крах біткоіна — адна з ключавых рызык у 2018 годзе
Крах біткоіна з'яўляецца адной з ключавых рызык для сусветнай эканомікі ў 2018 годзе. Пра гэта сказаў глабальны эканаміст Deutsche Bank Торстэн Слок (Torsten Slok), перадае Cointelegraph.
Па словах Слока ў крыптавалюты вялікі патэнцыял для рэзкага змянення цаны. Ён прагназуе, што гэта можа адбыцца яшчэ да канца гэтага года.
Адзначаецца, што яго асноўныя асцярогі звязаныя з пытаннямі рэгулявання, празрыстасці і раскрыцця інфармацыі, а таксама з валацільнасцю, здольнай паўплываць і на масавы рынак.
«Гэта звязана галоўным чынам з тым, што фінансавыя рынкі да гэтага часу разглядалі валацільнасць цаны біткоіна як невялікую праблему. Мы крыху хвалюемся, што гэта рызыка можа стаць больш сістэмнай, у прыватнасці, ёсць насцярогі, ці не працягнуцца цяперашнія тэндэнцыі ў 2018 годзе», — адзначыў ён.
Эканаміст таксама адзначыў, што існуе яшчэ шмат рызык акрамя біткоіна: падзеі вакол Brexit, узровень інфляцыі ў ЗША, планы ядзерных выпрабаванняў Паўночнай Карэі і патэнцыйная бурбалка на рынку жылля ў Швецыі і Нарвегіі.