Не стала акцёра Івана Мацкевіча

Паведамленне пра гэта з'явілася ў сацыяльных сетках Нацыянальнага драматычнага тэатра імя Горкага.

Фота kino-teatr.ru.

Заслужанага артыста Беларусі Івана Мацкевіча не стала 10 снежня, яму было 70 гадоў.

Мацкевіч нарадзіўся ў вёсцы Грабава Ваўкавыскага раёна, пачынаў у Брэсцкім тэатры, працаваў у мінскім Тэатры-студыі кінаакцёра, а пасля больш як дваццаць гадоў быў вядучым майстрам сцэны ў Рускім тэатры.

Ён сыграў Пане Каханку ў аднайменным спектаклі Андрэя Курэйчыка, Генрыха ІІ («Леў зімой»), многія іншыя ролі.

Здымаўся ён і ў кіно: цягам свайго творчага жыцця ўзяў удзел у 135 кінапраектах.

Пра час і месца развітання з Іванам Мацкевічам будзе вядома пазней.

0

0

0

0

0

0