У Мінску кіроўца выратаваў пешахода, падставіўшы сваё аўто пад удар ВІДЭА

Вартая ўвагі сітуацыя адбылася ў Мінску. А рэакцыя кіроўцы сіняга «Рэно Логан» і яго паводзіны ў незвычайных абставінах, безумоўна, вартыя павагі.

Кіроўца «Логана» стаяў у другой паласе на вуліцы Аэрадромнай і чакаў, пакуль сталы пешаход пяройдзе дарогу да канца. Крайняя правая паласа ў гэты час была вольная, і па ёй імкліва пад’язджала «Мазда». Кіроўца таго аўтамабіля бачыў зялёнае святло і не збіраўся спыняцца. Магла адбыцца трагедыя.

Каб яе прадухіліць, кіроўца «Логана» выкруціў стырно, «заблакаваў» суседнюю паласу і заціснуў тормаз. Калі б кіроўца «Мазды» і не паспеў затармазіць, то ўдарыў бы па суседнім аўтамабілі, а не па чалавеку. На шчасце, аварыі ўдалося пазбегнуць.

БЮ

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0