БАТЭ развітаўся з Лігай Еўропы паразай у Лондане ад «Арсенала» 6:0

Апошні матч групавога цыклу Лігі Еўропы у Лондане супраць «Арсенала» скончыўся для БАТЭ паразаю 6:0 (3:0).

Барысаўскі БАТЭ скончыў выступ у групе Н Лігі Еўропы на апошнім, чацвёртым месцы, з пяццю ачкамі, прапусціўшы наперад «Арсенал» (13), белградскую «Црвену Звезду» (9) (прайшлі ў плэй-оф) і «Кёльн» (6).

У лонданцаў сёння забівалі Мацьё Дэбюшы (11'), Тэа Уолкат (37'), Джэк Уілшыр (43'), Аліўе Жыру (64', пен.) і Махамед эль-Нені (74').

У барысаўскім клубе адзначыўся толькі Дзяніс Палякоў (51'), але — аўтаголам.

Адзіную жоўтую картку ў матчы атрымаў Максім Валадзько.

0

0

0

0

0

0