Даслаць навіну
Знайсці
07.12.2017 / 14:19 3

«Крамбамбуля» ўводзіць свае ордэны і медалі

Гурт (і партызанскі атрад) «Крамбамбуля» прадставіў здымкі ўзнагарод, якія можна будзе атрымаць ад музыкаў 21 снежня ў Prime Hall падчас святочнага канцэрту «Партызаны каляднага лесу». Намінаваць сябе ці блізкага чалавека на ордэн ці медаль можа кожны беларус.

Павялічыць выяву

Агулам прадстаўлена пяць узнагарод: «Ордэн Зялёнага дуба», «Ордэн Дзеда Талаша», «Ордэн Міколкі Паравоза», медаль «За Калядны настрой», медаль «За нашу і вашу свабоду». З 2015 года «Крамбамбуля» жыве ў лесе. Натуральна, што там бракуе жалеза, таму ўзнагароды выраблены з дрэва.

— Ідэя ў тым, каб узнагародзіць людзей па выніках года за нейкія простыя чалавечыя дасягненні на асабістым, сямейным ці працоўным узроўні. За тое, пра што не напішуць у СМІ, — каментуе камандзір атраду Лявон Вольскі, які таксама з’яўляецца дызайнерам узнагарод.

Каб намінаваць сябе ці каго іншага на ўзнагароду «Крамбамбулі», дастаткова апублікаваць партрэтнае фота кандыдата ў сацсетках (Facebook, VK, Instagram, Twitter) і разам з ім пераканаўчую гісторыю дасягненняў у гэтым годзе, абавязкова дадаўшы хэштэг #krambambula2112, каб можна было адсачыць і сабраць усіх намінантаў.

Апошні дзень высоўвання кандыдатаў — 17 снежня. Пяць пераможцаў вызначаць удзельнікі гурта. Кожны атрымае па два запрашальнікі на канцэрт і будзе ўрачыста ўганараваны першымі ордэнамі і медалямі ад гурта «Крамбамбуля» на сцэне.

Павялічыць выяву

21 снежня ў межах праграмы «Партызаны каляднага лесу» гледачоў чакаюць найлепшыя песні «Крамбамбулі», канцэптуальнае сцэнічнае шоу і кілатоны навагодняга настрою. Квіткі можна набыць на сайце і ў касах Kvitki.by, а таксама на сайце Primehall.by і ў касах клуба. Кошт квіткоў: танцпляц — 40 руб., сядзячыя — ад 42 руб. Ёсць варыянты для групавых замоваў. Інфалінія: +375 (33) 661-14-32.

1
Станислав Анатольевич Гикс / адказаць
07.12.2017 / 19:14
Дзякуй, хлопцы! Я лепей сам прасьпяваю вашыя цудныя песьнi, бо кошты на квiткi... жорсць... Шчыра кажу.
0
Pidzama / адказаць
07.12.2017 / 21:40
А я схадзіў бы, і за сорак рублёў. Адзін раз жывеш, чаму не. Грошы гэта толькі грошы. Ды дабірацца доўга і нязручна да "города Солнца". Думаю, хто пойдзе атрымае шмат пазітыўных пачуццяў і ўспаміны на ўсё жыццё.
0
Ваciлёк з МСity / адказаць
08.12.2017 / 14:50
Мне да Менска 300 км. Дзе квiток набыць?
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30