БРСМ ладзіць конкурс школьных сачыненняў і вершаў, сярод тэмаў — «Мой Прэзідэнт»
president.gov.by
БРСМ і Беларуская піянерская арганізацыя запрашаюць школьнікаў 5—11-х класаў узяць удзел у рэспубліканскім конкурсе сачыненняў, эсэ, вершаў «Мая Беларусь. Мая Будучыня», паведамілі БЕЛТА ў прэс-службе Цэнтральнага камітэта ГА «БРСМ».
Прадметам конкурсу з'яўляюцца аўтарскія творы — сачыненні, эсэ і вершы на тэмы: «Мая радзіма — Беларусь!», «Мой Прэзідэнт», «Мой родны кут, як ты мне мілы», «Мая Беларусь. Мая Будучыня». У іх школьнікам — актывістам БРСМ і БРПА - прапануецца ў творчай форме распавесці на рускай альбо беларускай мовах аб сваёй краіне, яе гісторыі, сучаснасці, багатай культуры, прыгажосці роднай мовы, сваёй малой радзімы, ролі першага прэзідэнта Беларусі ў станаўленні і развіцці незалежнай дзяржавы, беларускай моладзі і пра тое, што яе па-сапраўднаму хвалюе, зазначаецца ў паведамленні.
