Дырэктар БелТА: Журналісты павінны займацца прапагандай эканамічных інтарэсаў сваіх краін
Журналісты павінны займацца прапагандай эканамічных інтарэсаў сваіх краін. Такі пункт гледжання выказаў на медыяфоруме «Асвятленне інтэграцыйных працэсаў у рэгіёне СНД і ЕАЭС», які праходзіць у Ерэване, генеральны дырэктар Беларускага тэлеграфнага агенцтва Дзмітрый Жук, перадае само агенцтва.
«Некаторыя людзі не ведаюць нічога пра працэсы, што адбываюцца. Грамадскасць павінна быць інфармавана аб усіх працэсах, якія праходзяць у ЕАЭС. Нам трэба зразумець, што мы інтэграваныя, маем пэўныя сувязі і інш.», — сказаў гендырэктар БелТА.
Паводле яго слоў, журналісты павінны займацца прапагандай. «Наша першасная мэта — не толькі азнаямленне прадпрымальнікаў з інтэграцыйнымі працэсамі ў ЕАЭС. Нашай першаснай адказнасцю з'яўляецца інфармаванне аб гэтым грамадзян», — сказаў Дзмітрый Жук.
