У Слуцку мужчына і жанчына скінуліся з 8-га паверха
Трагедыя здарылася 16 лістапада ў 20.46 у доме № 19 па вуліцы Гагарына. 40-гадовы мужчына і 28-гадовая жанчына, якія жылі разам, выпалі з 8-га паверха кватэры. Падалі яны адначасова, піша Інфа-Кур'ер.
Бацька загінулага мужчыны ў гутарцы з журналістам сказаў: «Я быў дома, калі ўсё здарылася. Яны знаходзіліся ў пакоі. Усё нармальна было, як звычайна. Яны займаліся сваімі справамі, раз выйшлі на пляцоўку пакурыць, іншы. А потым пачуў грукат. Думаў, выпусцілі нешта… Зашоў у іх пакой… А іх няма …»
Паводле яго слоў, пара паводзіла сябе спакойна, ні канфлікту, ні сварак не было.
Дзяўчына, ляцеўшы, зачапіла спадарожнікавую талерку на сцяне пятага паверха - гэта і быў гук, які пачуў бацька загінуўшага.
Паводле папярэдняй інфармацыі міліцыі, мужчына і жанчына падалі адначасова. Чаму яны ўпалі з акна — высвятляецца.
Вядома, што ў мінулым годзе жанчына хацела выскачыць з акна кватэры, але тады яе спынілі знаёмыя. На запясцях загінулай ёсць шнары ад парэзаў.
Вокны кватэры выходзяць у двор дома.
Жанчына загінула на месцы. Мужчыну забрала «хуткая», але ён памёр у рэанімацыі.