У Аўстраліі знойдзеная брацкая магіла 400-гадовай даўніны са 125 людзямі
Падчас нядаўніх раскопак на аўстралійскай выспе Бэйкан археолагі выявілі рэшткі забітых і пахаваных людзей, піша брытанскае выданне The Sun. 125 мужчын, жанчын і дзяцей былі па-зверску забітыя з розніцай у некалькі месяцаў па дагэтуль не выяўленай прычыне.
Ілюстрацыйнае фота
На думку спецыялістаў, парэшткі, чый прыблізны ўзрост складае каля 400 гадоў, могуць належаць членам экіпажа карабля з галандскай Ост-Індскай кампаніі «Батавія», які пацярпеў крушэнне ля берагоў Аўстраліі ў 1629 годзе.
У 1963 годзе было знойдзена месца, дзе затанула «Батавія». Праз 10 гадоў навукоўцы прыступілі да раскопак і падняцця парэшткаў.
Фота: CBS, 60 MINUTES
Па словах спецыялістаў, выяўленыя пахаванні не з'яўляюцца стыхійнымі — людзей хавалі ў арганізаваных магілах, выконваючы спецыяльны рытуал. Зараз навукоўцы стараюцца знайсці ў пахаванні пэўныя рэчы, якія б паказалі на прычыну забіцця гэтых людзей.
Фота: CBS, 60 MINUTES
