Генпракурор: Я асабіста сустракаўся з мамай салдата Коржыча
Генпракурор Аляксандр Канюк распавёў пра справу Аляксандра Коржыча, які загінуў у Печах.
— Я асабіста сустракаўся з мамай Коржыча, мы абмеркавалі, што яна будзе асабіста прымаць удзел у некаторых следчых дзеяннях, — распавёў генпракурор Аляксандр Канюк.
Ён не стаў раскрываць усе падрабязнасці крымінальнай справы, але адзначыў, што сёння распачата 15 крымінальных спраў, прыкладна столькі ж чалавек з'яўляюцца фігурантамі справы.
Нагадаем, цела салдата Аляксандра Коржыча было знойдзена 3 кастрычніка ў Печах. Следчы камітэт расследуе некалькі крымінальных спраў, абвінаваціўшы фігурантаў ў ў нестатутныя адносіны, перавышэньні службовых паўнамоцтваў і махлярстве. Акрамя таго, высвятляецца як загінуў салдат Коржыч, якога знайшлі мёртвым у падвале з майкай на галаве і звязанымі шнуркамі. У следчых тры версіі: суіцыд, давядзенне да суіцыду і забойства. Пасля трагедыі кіраўніцтва часці ў Печах было адхілена.
