Хто ўвайшоў у склад грамадскай рады пры МУС? — поўны спіс

Хто яшчэ трапіў у раду, якую, як ужо вядома, узначаліў Павел Якубовіч? Пра поўны склад паведамляе «Народная Воля».

• Сяргей Абламейка, былы рэктар БДУ
• Ірына Альхоўка, старшыня Праўлення місіі міжнароднага грамадскага аб'яднання «Гендарныя перспектывы».
• Уладзімір Грыдзюшка, генеральны дырэктар дзяржаўнай тэатральна-відовішчнай установы «Нацыянальны акадэмічны Вялікі тэатр оперы і балета Рэспублікі Беларусь».
• Вадзім Дзевятоўскі, намеснік старшыні Пастаяннай камісіі Палаты прадстаўнікоў Нацыянальнага сходу Рэспублікі Беларусь па ахове здароўя, фізічнай культуры, сямейнай і моладзевай палітыцы.
• Аляксандр Дранец, мастак-скульптар.
• Кацярына Дулава, член Пастаяннай камісіі Савета Рэспублікі Нацыянальнага сходу Рэспублікі Беларусь па адукацыі, навуцы, культуры і сацыяльным развіцці, рэктар Беларускай дзяржаўнай акадэміі музыкі.
• Іван Дырман, старшыня Цэнтральнай рады добраахвотнага таварыства садзейнічання арміі, авіяцыі і флоту Рэспублікі Беларусь.
• Дзмітрый Жук, генеральны дырэктар Беларускага тэлеграфнага агенцтва.
• Марат Маркаў, старшыня праўлення АНТ.
• Раман Матульскі, дырэктар дзяржаўнай установы «Нацыянальная бібліятэка Беларусі».
• Генадзь Пальчык, старшыня Вышэйшай атэстацыйнай камісіі Рэспублікі Беларусь.
• Протаіерэй Сергій Кузьмянкоў, старшыня Сінадальнага аддзела Беларускай Праваслаўнай Царквы па ўзаемадзеянні з Узброенымі Сіламі і іншымі вайсковымі фармаваннямі Рэспублікі Беларусь.
• Святлана Стацэнка, мастацкі кіраўнік Нацыянальнага цэнтра музычнага мастацтва імя У. Мулявіна.
• Алег Суконка, член пастаяннай камісіі Савета Рэспублікі Нацыянальнага сходу Рэспублікі Беларусь па адукацыі, навуцы, культуры і сацыяльным развіцці, дырэктар дзяржаўнай установы «Рэспубліканскі навукова-практычны цэнтр анкалогіі і медыцынскай радыялогіі імя Аляксандрава».
• Віктар Чайчыц, намеснік старшыні Пастаяннай камісіі Савета Рэспублікі Нацыянальнага сходу Рэспублікі Беларусь па заканадаўстве і дзяржаўным будаўніцтве, старшыня Рэспубліканскай калегіі адвакатаў.
• Юрый Шумскі, старшыня Рэспубліканскага дзяржаўна-грамадскага аб'яднання «Беларускае таварыства паляўнічых і рыбаловаў».
• Мікалай Шчокін, кіраўнік Цэнтра палітычнай і эканамічнай сацыялогіі навуковай установы «Інстытут сацыялогіі Нацыянальнай акадэміі навук Беларусі».
• Усевалад Янчэўскі, дырэктар дзяржаўнай установы «Адміністрацыя Парка высокіх тэхналогій».

Як бачым, у складзе рады нямала гучных імёнаў і вядомых персон. Вось толькі хто з іх зможа адкрыта гаварыць не толькі пра поспехі міністра ўнутраных спраў Ігара Шуневіча і яго ініцыятывы, але і аб праблемах, якіх сёння нямала ў сістэме МУС і аб якіх кажуць праваабаронцы?

Дарэчы, ні аднаго праваабаронцы ў складзе грамадскай рады пры МУС няма.

0

0

0

0

0

0