Уладзімір Някляеў. Апошняя размова з Задорнавым
«Ён быў вядучым на вечарыне Яўгена Еўтушэнкі ў Політэхнічным музеі. Выступалі на вечарыне многія (Дзмітрый Быкаў, Ала Пугачова, Сяргей Нікіцін), я прачытаў вершы, прысвечаныя Еўтушэнку, але вядучым быў ён.
Калі вечарына скончылася і трохі выпівалі, ён падсеў: «Что это ты в последнее время разнационалистился?» І ўсміхнуўся: «Смотри ты, выговорил».
Нічога іншага не заставалася зрабіць, як спытаць у адказ: «А что это ты в последнее время разимперствовался?..»
Ён падняўся: «Не получилось разговора».
Больш мы не бачыліся…
А ўчора, калі ягоны духоўнік напісаў, што ён прынёс Богу пакаянне, раптам пранізліва падумалася: «Шкада…», — напісаў Уладзімір Някляеў у сваім фэйсбуку.
Расійскі сатырык Міхаіл Задорнаў памёр 10 лістапада ад анкалогіі. Яму было 68 гадоў.