16 лістапада — прэзентацыя кнігі ўспамінаў Вікенція Мароза «Перажытае-незабытае»
Мемарыяльны музей-майстэрня Заіра Азгура (вул. Азгура, 8). Пачатак у 18.00.
16 лістапада пройдзе прэзентацыя кнігі Вікенція Мароза «Перажытае-незабытае». Гэта кніга ўспамінаў, аповедаў і краязнаўства.
У ёй аўтар, сябра Саюза беларускай моладзі, распавядае пра жыццё пад Польшчай, першыя Саветы, жыццё пад акупацыяй, вайну і пасляваенны перыяд.
«Перажытае-незабытае» — першая кніга 93-гадовага пісьменніка. На прэзентацыі сын аўтара Уладзімір Мароз — вядомы пісьменнік, сцэнарыст і кінарэжысёр — прачытае ўрывак з кнігі і некалькі сваіх вершаў, якія непасрэдна звязаныя з тэкстам твора.
Дарэчы, Уладзімір з’яўляецца рэдактарам кнігі і аўтарам прадмовы да яе.
Прэзентацыя адбудзецца 16 лістапада ў 18:00 у Мемарыяльным музеі-майстэрні Заіра Азгура (вул. Азгура, 8).
Кніга «Перажытае-незабытае» ёсць у інтэрнэт-кнігарні і ў краме выдавецтва «Галіяфы» на Нямізе, 3 (цокальны паверх, пав. 66).