Знайсці
11.11.2017 / 10:3529РусŁacБел

Стывена Сігала вінавацяць у сэксуальных дамаганнях

Амерыканская кінаактрыса Порша дэ Росі абвінаваціла акцёра і прадзюсара Стывена Сігала ў сэксуальных дамаганнях.

Фота peopletalk.ru, ok-magazine.ru.

Яна сыграла галоўныя ролі ў серыялах «Элі Макбіл», «Запаволенае развіццё» і «Скандал».

Дэ Росі — лесбіянка, і апошнія дзевяць гадоў жыве ў аднаполым шлюбе з амерыканскай тэлевядоўцай Элен Лі Дэджэнерэс.

У сваім Twitter яна распавяла, што калі прыйшла да Сігала ў офіс на кінапробы, ён сказаў, што за кадрам важна мець узаемную сімпатыю. Пасля чаго расшпіліў маланку на сваіх скураных штанах.

Актрыса кажа, што выбегла з пакоя і распавяла свайму агенту пра гэты інцыдэнт.

«Магчыма, ён не ў тваім гусце», — нібыта адказала ёй агент.

Акторка не ўдакладніла, для якога фільма праводзілі пробы, і ў якім годзе гэта адбылося.

Менеджар Сігала паведаміў Бі-бі-сі, што акцёр гэтыя заявы не каментуе.

65-гадовы Сігал захапляецца ўсходнімі адзінаборствамі, і стаў вядомым у 1980-я і 1990-я гады, калі сыграў у баевіках «У аблозе» і «У смяротнай небяспецы».

Сігала пачалі вінаваціць у непрыстойных паводзінах і дамаганнях і іншыя жанчыны, сярод якіх акторка Джуліяна Маргуліс і супермадэль Джэні Макарці.

Хваля абвінавачванняў на адрас розных знакамітасцяў паднялася пасля таго, як у амерыканскай прэсе жанчыны пачалі вінаваціць галівудскага прадзюсара Харві Вайнштэйна ў сэксуальных дамаганнях.

У сацыяльных сетках у інтэрнэце разгарнулі кампанію, у якой заклікалі ахвяр дамаганняў распавесці пра інцыдэнты публічна пад хэштэгам #MeToo — «І мяне таксама».

Сам Вайнштэйн катэгарычна адмаўляе ўсе абвінавачванні ў сэксуальным гвалце.

Nina.nn.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера