Даслаць навіну
Знайсці
23.10.2017 / 17:27 54

«Наша Ніва» і яе пазіцыя ў процістаянні лібералаў і кансерватараў

Прайшоў той час, калі галоўны водападзел праходзіў між прыхільнікамі незалежнасці і аднаўлення СССР. Незалежнасць Беларусі стала кансэнсусам для ўсіх, акрамя вузкага кола груп і рэсурсаў, якія фінансуюцца з Расіі.

Тым часам усё большы падзел заўважаецца ў пытаннях ідэалогіі. Спрэчкі лібералаў і кансерватараў ідуць у сацыяльных сетках і на форумах СМІ.

Падаецца, беларускае грамадства застаецца пераважна кансерватыўным. У той жа час сталічная журналісцкая супольнасць — збольшага ліберальная. Гэта не беларуская асаблівасць. Такая разбежка назіраецца ў многіх цэнтральнаеўрапейскіх краінах.

Тэмы, па якіх праходзіць кансерватыўна-ліберальны водападзел у Беларусі, у нечым супадаюць, а ў нечым не супадаюць з амерыканскімі і заходнееўрапейскімі. Скажам, у ЗША востра абмяркоўваецца права на свабоднае нашэнне зброі, легалізацыя марыхуаны. У Заходняй Еўропе актуальнае пытанне стаўлення да мігрантаў. Для Беларусі гэтыя пытанні маюць толькі тэарэтычнае значэнне.

У той жа час у ЗША і ЕС існуе амаль што кансэнсус па пытанні павагі да любой сэксуальнай арыентацыі, тады як у Беларусі ЛГБТ застаюцца стыгматызаванымі.

Ёсць пытанні, у якіх аўдыторыя НН дзеліцца практычна 50 на 50. Гэта аборты, разводы, паліткарэктнасць у мове, адмена смяротнага пакарання за забойствы.

І тыя, і тыя хацелі б, каб «Наша Ніва» стала выразна ліберальнай ці выразна кансерватыўнай. А ў «Нашай Нівы» няма іншага выйсця, як заставацца і для тых, і для тых. Ніякі радыкалізм і фундаменталізм нам не пасуюць. Мы хочам слухаць і першых і другіх. Мы не прымаем дактрынёрства і дагматызму, ад каго б яны ні сыходзілі.

Такую ліберальна-кансерватыўную, цэнтрысцкую пазіцыю дыктуе нам само жыццё.

Не толькі таму, што «беларуская супольнасць» замалая, каб дазволіць сабе дзяліцца і драбніцца. Яшчэ і таму, што не на ўсе ўзгаданыя пытанні ёсць адзіна слушныя адказы. У некаторых спрэчках толькі час — жыццё і навука — дадуць адказ, хто меў рацыю.

Калі азірнуцца, добра відаць, што «Наша Ніва» ў апошняе дзесяцігоддзе была платформай, якую чытаюць, на якую пішуць і на якой сустракаюцца атэіст Карпаў і вернік Дашкевіч, кансерватар Шыталь, лібералка Курс і сацыяліст Сідарэвіч. Мы ганарымся тым, што нас масава чытаюць таксама лукашэнкаўцы і былі б радыя, каб і яны пісалі нам (хоць у іх хапае трыбун і без нас). Мы будзем і надалей публікаваць нават тыя тэксты, з якімі самі рэдактары будуць спрачацца.

NN.BY будзе і надалей паслядоўна плюралістычнай. З прыходам на наш партал новага пакалення рэдактараў гэтая рыса «НН» будзе нязменнай.

Андрэй Дынько

2
ага / адказаць
25.10.2017 / 19:19
За то время, которое кухмистр Верашчака (расшифрованный автором статьи в качестве г-на Белого) написал бессчетное число своих маловразумительных постов, претендующих, как всегда у него, на особую "ученость", уже можно было бы какую-никакую куле-бяку приготовить для публики, которая тут тельняшки рвет целый день и, поди, оголодала уже совсем от собственного крика про либералов и консерваторов, смешавшихся в кучу, как у т. Лермонтова:

Смешались в кучу кони, люди,  И залпы тысячи орудий                 Слились в протяжный вой...   
2
ай-нанэ / адказаць
25.10.2017 / 19:38
Меня держат в заложниках! Помогите! Спасите меня Верашчаки, Бенедикты и прочие люстэрки. Хочу на Запад! Не могу больше в жить с видом на помойку и писать глупости по 12 копеек. Спасите!
0
Дмитрий / адказаць
02.12.2017 / 23:45
позиция "и нашим, и вашим" никогда до добра не доводила :)

Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31