Ініцыятыва МУС: За паўторнае перавышэнне хуткасці перастануць адбіраць правы

У Палату прадстаўнікоў унесены праект зменаў у Кодэкс аб адміністратыўных правапарушэннях. Некаторыя са зменаў датычацца кіроўцаў.

Кіроўца перавысіў хуткасць

Было:

• За паўторнае перавышэнне хуткасці больш чым на 20 км/г у кіроўцы маглі адабраць правы на 1 год альбо аштрафаваць на 5-15 базавых велічыняў.

Стане:

• За паўторнае перавышэнне хуткасці дадатковага пакарання не будзе.

Было:

• За перавышэнне хуткасці больш чым на 30 км/г штраф ад 3 да 10 базавых.

Стане:

• За перавышэнне хуткасці на 30-40 км/г штраф ад 3 да 10 базавых велічыняў.
• За перавышэнне хуткасці больш чым на 40 км/г штраф ад 7 да 15 базавых.

Кіроўца забыўся пасведчанне дома

Было:

• Папярэджанне альбо штраф да 2 базавых.

Стане:

• Ніякага пакарання

Кіроўца едзе без страхоўкі

Было:

• штраф — 5 базавых, а ў выпадку аварыі — 10 базавых

Стане:

• штраф — 3-5 базавых, а ў выпадку аварыі — 5-10 базавых

Кіроўца, пазбаўлены правоў, парушыў правілы (праехаў на чырвонае святло, няправільна манеўраваў, размаўляў па мабільніку і гэтак далей)

Было:

• Проста штраф за парушэнне, без дадатковага пакарання.

Стане:

• Штраф ад 5 да 20 базавых з пазбаўленнем правоў на 2 гады альбо без пазбаўлення.

БЮ

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0