Ламбардыя і Венета прагаласавалі за пашырэнне аўтаноміі
Жыхары самых багатых рэгіёнаў Італіі — Ламбардыі і Венета — прагаласавалі на сімвалічным рэферэндуме за пашырэнне аўтаноміі, сцвярджаюць са спасылкай на папярэднія вынікі кіраўнікі абедзвюх паўночных абласцей.
Вынікі рэферэндуму не маюць юрыдычнай сілы для цэнтральнага ўрада ў Рыме.
У Ламбардыі яўка склала 40%, у Венета — 57%. Па словах мясцовых уладаў, больш за 90% тых, хто прыйшоў выказаліся за вялікую аўтаномію.
Ламбардыя, куды ўваходзіць фінансавая сталіца Італіі — Мілан, і рэгіён Венета са сталіцай у Венецыі — самыя эканамічна паспяховыя рэгіёны краіны. Іх доля ў ВУП Італіі складае 30 адсоткаў.
Адна з галоўных прэтэнзій рэгіёнаў у тым, што яны плацяць Рыму куды больш падаткаў, чым атрымліваюць з бюджэту. Як следства яны хочуць скараціць свае выплаты Рыму прынамсі ўдвая.
Ламбардыя ў год аддае на 54 млрд еўра (за 64 млрд даляраў) больш, чым атрымлівае, а Венета — на 15,5 мільярда еўра (18,2 млрд даляраў).