СААЗ перадумала прызначаць прэзідэнта Зімбабвэ паслом добрай волі

AP

Сусветная арганізацыя аховы здароўя (СААЗ) адмяніла прызначэнне кіраўніка Зімбабвэ Роберта Мугабэ паслом добрай волі. Пра гэта паведаміў генеральны дырэктар СААЗ Тэдрас Адханам Гебрэесус.

«На працягу некалькіх дзён я разважаў пра маё прызначэнне прэзідэнта Зімбабвэ Роберта Мугабэ паслом добрай волі ў Афрыцы па неінфекцыйных захворваннях. У выніку я вырашыў адмяніць прызначэнне», — напісаў Адханам.

Паводле яго слоў, ён уважліва прыслухаўся да крытыкі ў дачыненні да абранага кандыдата. Адханам таксама падзякаваў усім, хто выказаўся па гэтым пытанні.

У прыватнасці рашэнне аб прызначэнні крытыкавалі групы, якія займаюцца развіццём аховы здароўя і абаронай правоў чалавека. Яны казалі, што пры Мугабэ сістэма аховы здароўя Зімбабвэ была разбурана.

0

0

0

0

0

0