У Рэчыцкім раёне хлопчык аб’еўся беладонны

11 кастрычніка ў Заспе 14-гадовы падлетак вырашыў заняцца эксперыментамі з «шалёнай ягадай», якая расла на суседскім падворку.

Хлопец ведаў, што беладонна можа выклікаць галюцынацыі, ён сарваў і праглынуў некалькі пладоў, распавёў парталу dneprovec.by намеснік начальніка РАУС Андрэй Сямкоў. Нічога не адбылося, хлопец з’еў яшчэ трохі. Ізноў не заўважыў эфекту і заняўся сваімі справамі.

Праўда, праз некалькі гадзін хлопца ўсё ж «накрыла». Тэрмінова выклікалі мясцовага фельчара, які пасля агляду патэлефанаваў у хуткую для шпіталізацыі эксперыментатара. У выніку хлопец правёў суткі ў рэанімацыі, цяпер яго здароўю нішто не пагражае.

УШ

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0