Пуцін зноў зрэзаў сабе заробак
Прэзідэнт РФ Уладзімір Пуцін падоўжыў дзеянне свайго ўказа, па якім на 10% скарачаецца зарплата кіраўніка дзяржавы, старшыні ўрада і іншых чыноўнікаў, грашовае ўзнагароджанне якіх вылічаецца ў адпаведнасці з указамі прэзідэнта РФ, паведамляе ТАСС.
Паводле ўказа кіраўніка дзяржавы, зарплаты скарачаліся на 10% з 1 студзеня па 31 снежня 2017 года.
Цяпер ён падпісаў новы ўказ, па якім дадзеная норма павінна будзе выконвацца з 1 студзеня па 31 снежня 2018 года.
Указ прадугледжвае, што федэральныя грамадзянскія служачыя адміністрацыі прэзідэнта РФ таксама будуць атрымліваць грашовае ўтрыманне з памяншэннем на 10%. Аналагічнае правіла распаўсюдзіцца на федэральных грамадзянскіх служачых апарата ўрада РФ, апарата Падліковай палаты.
Упершыню прэзідэнт Расіі паменшыў зарплаты чыноўнікаў у 2015 годзе, затым дзеянне гэтай нормы штогод працягвалася.