Даслаць навіну
Знайсці
19.10.2017 / 13:56 27

У Нямеччыне па невядомых прычынах знікла 80% усіх насякомых

Па невядомых пакуль прычынах колькасць усіх насякомых у нацыянальных парках і запаведніках Нямеччыны знізілася на 75-82%, паведамляюць эколагі ў часопісе PLoS One.

Вядома, пералічыць абсалютна ўсіх казурак у краіне немагчыма. Але ў эколагаў ёсць свае метады. Яны размяшчаюць спецыяльныя пасткі на тэрыторыях запаведнікаў і падлічваюць колькасць насякомых, якія трапляюць у тыя пасткі за пэўны час. Параўноўваючы кожны такі «улоў», можна зразумець, як змяняецца відавая разнастайнасць і колькасць насякомых з цягам часу.

Павялічыць выяву

Так выглядае пастка для адлову насякомых

Гэтыя назіранні, як распавядае Каспар Халман, супрацоўнік універсітэта Радбуда ў Нямеччыне, малююць катастрафічную карціну, якая склалася ў апошнія гады. Па падліках эколагаў, колькасць і біямаса насякомых скарацілася прыкладна на 75% і 82% адпаведна ва ўсіх шасцідзесяці запаведніках, нягледзячы на велізарныя адрозненні ў клімаце, флоры і фаўне паміж імі.

Канкрэтныя лічбы такія: калі ў 1990 годзе ў пасткі кожны дзень трапляла прыкладна 10 грамаў насякомых, то сёння гэты паказчык паменшыўся да 2 грамаў на дзень. Такое рэзкае падзенне, як адзначаюць даследчыкі, можа прывесці да абвальвання ўсіх экасістэм — яно закранула не толькі розных драпежных і паразітычных насякомых, але і апыляльнікаў, якія, як вядома, адыгрываюць надзвычай важную ролю ў сельскай гаспадарцы. 

Прычыны таямнічага знікнення такой вялікай колькасці насякомых пакуль не выяўленыя. Адно з меркаванняў эколагаў — хуткае развіццё сельскай гаспадаркі, але над дакладнымі вынікамі даследавання навукоўцы яшчэ працуюць. 

nn.by

0
юны натуралicт / адказаць
21.10.2017 / 11:51
Карпарацыi нашлi даходную тэму , ворагi усяго жывога- супраць бога .
0
Коля / адказаць
21.10.2017 / 14:45
У нас таксама нешта такое ёсьць. Птушкі: дразды, шпакі, як ніколі жаруць ягады на лецішчы у апошнія гады. Бо іншай ежы, насякомых, пэўна не хапае.
0
Алесь Астроўскі / адказаць
24.10.2017 / 20:55
Гэтым летам бачыў мёртвымі некалі жывыя вадаёмы каля... кукурузных палёў. Там, дзе раней віравала жыцьцё зьявілася чорная, гнілая багна...
Але ніхто з аграрнага начальства ня сеў...
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31