Стан трох жанчын, што атруціліся ў Барысаве, па-ранейшаму цяжкі
Пра гэта паведамілі БЕЛТА ў прэс-службе Міністэрства аховы здароўя.
«З трох пацыентак, якія знаходзяцца ў Гарадской клінічнай бальніцы хуткай медыцынскай дапамогі Мінска, адна ў аддзяленні таксікалогіі, стан цяжкі стабільны. Дзве іншыя пацыенткі ў рэанімацыі — іх стан таксама цяжкі стабільны», — адзначылі ў прэс-службе.
Днём 14 кастрычніка з прадпрыемства, якое займаецца вытворчасцю прадуктаў з рыбы, ва ўстанову аховы здароўя Барысава былі дастаўлены некалькі жанчын з рознымі ступенямі хімічных апёкаў. Папярэдне было ўстаноўлена, што пяць жанчын выпілі невядомую вадкасць. Трох найбольш цяжкіх пацыентак перавялі ў бальніцу хуткай медыцынскай дапамогі Мінска.
Затрыманая работніца прадпрыемства. З падазраванай праводзяцца працэсуальныя і следчыя дзеянні.
