Мужчыну збіла «хуткая», калі ён выбег ёй насустрач ратавацца ад ранення нажніцамі
Раніца 18 кастрычніка была вельмі насычнай для 30-гадовага жыхара Крыніцы, што ў Маладзечанскім раёне, піша Рэгіянальная газета.
Пачалося ўсё каля 8:00, калі з Маладзечна на тэрміновы выклік выехала «хуткая дапамога».
У 8.20 у Крыніцы «хуткая» ехала з мігалкамі і гукавым сігналам. Насустрач выбег мясцовы 30-гадовы жыхар. «Хуткая» зачапіла яго люстэркам, мужчына ўпаў.
Але ў бальніцу ён быў дастаўлены не толькі з нязначнымі ўшыбамі твару, але з пранікаючым раненнем грудной клеткі.
Аказалася, што ў той момант, калі «хуткая» спяшалася на выклік, мужчына ў стане алкагольнага ап’янення пасварыўся са сваёй сястрой. Жанчына ўдарыла яго нажніцамі ў грудзі.
І ў гэты момант мужчына пачуў, што за вокнамі набліжаецца гук «хуткай» дапамогі. Ён вырашыў ратавацца ад ранення і з нажніцамі ў грудзях паспрабаваў спыніць «хуткую».