На Месяцы знайшлі пячору даўжынёй 50 км, у якой можна будзе заснаваць базу
Навукоўцы з Японіі выявілі на Месяцы падземную пячору, якую можна будзе выкарыстоўваць для размяшчэння буйной навукова-даследчай базы, паведамляе The Japan Times, спасылаючыся на нацыянальнае Агенцтва аэракасмічных даследаванняў JAXA.
Вялізны ўваход у пячору дыяметрам 50 метраў
Выяўленая поласць дасягае ў даўжыню 50 кіламетраў. Яе знаходжанне пад паверхняй Месяца дазволіць мінімізаваць уздзеянне радыёактыўнага выпраменьвання і перападу тэмператур, які дасягае 280 градусаў (на паверхні зямнога спадарожніка тэмпература вагаецца ад мінус 160 да плюс 120 градусаў па Цэльсіі). Улічваючы гэта, навукоўцы лічаць, што найбольш рацыянальна размясціць месяцовую даследчую базу менавіта ў гэтай пячоры.
Надзвычай вялікая пячора, якую атрымалася выявіць пры дапамозе электрамагнітнага сканавання, знаходзіцца пад кратэрам Марыус на тым баку Месяца, які не бачна з Зямлі. Як распавядаюць у агенцтве, спачатку даследчы зонд «Кагуя» зняў на фота ўваход у пячору, а больш дэталёвы аналіз дазволіў вывучыць яе ўнутраную будову.
