Дзяўчына-баксёр цалуе саперніц у вусны перад боем ВІДЭА
У жаночым боксе свая атмасфера.
У Нарвегіі прайшла прэс-канферэнцыя перад жаночым боем паміж абсалютнай чэмпіёнкай у паўсярэдняй вазе Сесіліяй Брэкхус і прэтэндэнткай Мікаэль Лаўрэн.
Пад час дуэлі поглядаў Лаўрэн пацалавала Брэкхус у вусны. Сесілія паспрабавала даць суперніцы аплявуху, а потым засмяялася. Пасля прэс-канферэнцыі дзяўчыны паўтарылі дуэль, але больш ніхто не цалаваўся.
Для Лаўрэн такія паводзіны на дуэлі поглядаў звычайныя. Перад боем з Крысцінай Хамер, напрыклад, было тое ж самае.
У Мікаэлы цікавая гісторыя. Яна ўваходзіла ў алімпійскую зборную Швецыі па плаванні, але ў 2005 годзе была арыштаваная пасля таго, як у яе доме знайшлі анабалічныя стэроіды і агнястрэльную зброю. Лаўрэн была прысуджаная да аднаго года і двух месяцаў турмы. Пасля вызвалення дзяўчына вырашыла стаць прафесійным баксёрам. У кастрычніку 2014 года яна заваявала чэмпіёнскі тытул WBC у першай сярэдняй вазе, якім валодае і цяпер.
