Фэйк: Прэм'ер Нідэрландаў прапанаваў аддаць Бельгіі правінцыю Лімбург
Навіна аказалася непраўдзівай. Прыносім прабачэнні.
Кевін дэ Бруйнэ — зорка №1 зборнай Бельгіі
Прэм'ер-міністр Галандыі Марк Рутэ выказаў гатоўнасць аддаць Бельгіі частку тэрыторый краіны ў абмен на паўабаронцу «Манчэстэра Сіці» Кевіна дэ Бруйнэ.
Бельгія датэрмінова выйшла на ЧС-2018 у Расіі, а Галандыя патрапіць у стыкавыя матчы толькі ў тым выпадку, калі сёння пераможа Швецыю ў розніцай у 7 галоў.
Рутэ прапанаваў абмяняць дэ Бруйнэ на правінцыю Лімбург, якая размяшчаецца на паўднёвым усходзе Нідэрландаў, на мяжы з Бельгіяй і Германіяй.
«Нам не хапае веры, прагрэсу і крэатыву на палове поля суперніка. Кевін можа нам з гэтым дапамагчы.
Яго абмен на Лімбург зусім лагічны. Вядома, гэта была б вялікая страта для Галандыі. Там жывуць такія мілыя людзі. Але мы б гэта перажылі.
Часам даводзіцца рабіць цяжкі выбар. Мы б пражылі і з 11 правінцыямі», - сказаў Рутэ.