Служба таксі 135 падняла тарыфы
Служба таксі «Сталіца-135» узняла тарыфы з 9 кастрычніка на 15%. Пра гэта auto.tut.by паведамілі ў дыспетчарскай службе.
Тарыфы падняліся на 11 капеек за кіламетр — з 59 капеек да 70 капеек. Пра гэта дыспетчары папярэджваюць і пры замове аўтамабіля.
Кіроўцы даўно звярталі ўвагу на тое, што тарыфы на перавозкі несувымерныя выдаткам. Таму кіраўніцтва прыняло рашэнне падняць тарыфы. Апошні раз яны мяняліся ў гэтай службе таксі восенню 2015 года.
Тарыфы на таксі не рэгулююцца ў Беларусі ні Міністэрствам антыманапольнага рэгулявання і гандлю, ні Мінтрансам. Перавозчык мае права сам ставіць выгадны яму тарыф.
У службе таксі 7788 растлумачылі, што тарыфы на перавозкі ў іх не падымаліся, але «магчыма, зменяцца ў бліжэйшы час». Гэтак жа адказалі і ў іншых службах.
