У Расіі будучых губернатараў правяраюць скачкамі са скалы
Аказваецца, такія скачкі — афіцыйная частка падрыхтоўкі кадравага рэзерву для адміністрацыі прэзідэнта Расіі.
Скачуць кандыдаты ў губернатары з сяміметровай скалы ў раку на Агурскіх вадаспадах непадалёк ад Сочы. Відэа скачкоў апублікаваў РБК, яго сапраўднасць пацвердзіў адзін з удзельнікаў трэнінгу.
Фота - РБК
Раней РБК паведаміў, што з 3 па 7 кастрычніка ў Сочы прайшоў навучальны трэнінг для патэнцыйных кіраўнікоў рэгіёнаў. Ён быў арганізаваны на аснове курсаў Вышэйшай школы дзяржаўнага кіравання РАНГіДС. Гэты трэнінг - частка дзевяцімесячнай вучэбнай праграмы, арганізаванай пры ўдзеле адміністрацыі прэзідэнта для падрыхтоўкі кадраў на губэрнатарскі пасты і на кіруючыя пасады ў рэгіёнах.
Нагадаем, нядаўна ў Расіі прайшоў «губернатарапад» — свае пасады згубілі дзевяць кіраўнікоў рэгіёнаў. Цяпер, у тым ліку і такім незвычайным чынам, вядзецца праца па выбару пераемнікаў.