Архімандрыт-беларус у Беластоку назваў уцекачоў вошамі і гнідамі
Прэзентацыя фільма «Бежанцы 1915—1922» у Беластоку скончылася скандалам. Падчас паказу стужкі пра беларусаў-уцекачоў з Падляшша ў часы І сусветнай вайны праваслаўны манах, архімандрыт Гаўрыіл, параўнаў сучасных уцекачоў з вошамі і гнідамі.
Пра здарэнне, якое адбылося 5 кастрычніка, піша выданне poranny.pl.
Фільм беластоцкага рэжысёра Юрыя Каліны, які супрацоўнічае з тэлеканалам Белсат, быў вельмі прыхільна ўспрыняты публікай. Падчас дыскусіі, пасля паказу, вядомы на Падляшшы манах беларускага паходжання, айцец Гаўрыіл (герой фільма Каліны «Архімандрыт») назваў імігрантаў насякомымі, вошамі і гнідамі.
«Духоўная асоба заявіла, што імігранты сёньня прыязджаюць у Еўропу па сацыяльную падтрымку. А напрыканцы ён назваў іх «вошамі і гнідамі». Духоўная асоба не павінна так казаць пра людзей. Ён не палемізаваў са зместам фільма, ён увайшоў у палітыку» — лічыць мясцовы грамадскі дзеяч Яўген Мушыц.
Прысутныя сустрэлі словы манаха абураным гулам.
Гаўрыіл (Гіба) нарадзіўся ў Саколцы на Падляшшы. Ён з'яўляецца архімандрытам Польскай праваслаўнай аўтакефальнай царквы.