«Маўр захапляўся спірытызмам, а Гарэцкі — расповедамі прастытутак»
Яшчэ летам у інтэрнэце пачаўся флэшмоб «адзін лайк — адзін факт». Карыстальнікі пісалі столькі фактаў пра сябе, колькі чалавек паставілі падабайку іх допісу з адпаведнай пазнакай. Але такі міжсабойчык быў цікавы збольшага толькі сябрам.
Таму хутка флэшмоб эвалюцыянаваў да лепшай версіі: за лайк людзі расказвалі пра сферу ці тэму, у якой разбіраюцца.
Нехта дзяліўся досведам знаходжання ў «Навінках», нехта расказваў, як жыць, калі ты не маеш рукі. Цікавых падборак шмат — загугліце.
Мы ж апублікуем захапляльны ланцужок твітаў пра беларускую літаратуру. Аўтарка фактаў — 24-гадовая Наста Карнацкая. Дзяўчына скончыла філфак БДУ па спецыяльнасці «Беларуская філалогія». Цяпер вучыцца ў аспірантуры і працуе ў кніжна-выставачнай прасторы «Кніжная шафа», таму літаратурным пытаннем валодае.
Наста Карнацкая.
2. У Беларусі не засталося ніводнага жывога Народнага паэта ці пісьменьніка.
4. У 1897 годзе Багдановіч адкусіў сабе кончык языка (пасьлізнуўся і грымнуўся аб падлогу). Хутка прышылі назад, усё ок.
9. Верш Уладзіміра Кажамякі, адзіны паэтычны твор на сакрэтнай мове "катрушніцкі лемезень", мове дрыбінскіх шапавалаў з усходу Беларусі. pic.twitter.com/VMt4c60mpo
16. Максім Гарэцкі даваў прастытуткам грошы, каб яны расказвалі яму свае гісторыі. Відаць, матэрыял для творчасьці зьбіраў
37. Вінцэнт Дунін-Марцінкевіч быў ахрышчаны двойчы: спачатку не па поўным абрадзе, бо нарадзіўся кволым, а потым па ўсіх правілах.
39.1. Увайсьці ў гісторыю літаратуры можна ўсяго з 1 вершам. Як Паўлюк Багрым і яго "Зайграй, зайграй, хлопча малы".
41. Аўтамабіль Янкі Купалы — Chevrolet Master Deluxe GA 1937 г. — яму падарыў першы сакратар ЦК КП(б)Б Панцеляймон Панамарэнка. pic.twitter.com/mGeXnpDSZr
43. Твор Францішка Аляхновіча "У кіпцюрох ГПУ" стаў першым у сусьветнай (!) літ-ры творам, які апісвае жыцьцё арыштанта ў сталінскім лягеры.
52. Янка Маўр захапляўся сьпірытызмам і дома пры дапамозе сподка на стале з альфабэтам праводзіў сьпірытычныя сэансы.
55. У 1997 годзе на адным зь мітынгаў паэт Славамір Адамовіч публічна зашыў сабе рот (акт індывідуальнага супраціву антыбеларускаму рэжыму).
61. Наклад беларускамоўнай літаратуры ў 2016 годзе павялічыўся на 1,6% у параўнаньні з папярэднім годам.
62. Самая тыражная кніга 2016 па-беларуску — "Беларусь—наша Радзіма: падарунак Прэзідэнта РБ А.Р.Лукашэнкі першакласніку" (118400 ас.)
80. У 2009 г. пабачыў сьвет каляндар "Канец словаў" з аголенымі беларускімі літаратарамі. На фота сьнежань, Лявон Вольскі. pic.twitter.com/coKA0uBjVd
86. Свой самы вядомы верш "Алеся" Аркадзь Куляшоў напісаў у 14 гадоў.
Больш цікавых фактаў шукайце па спасылцы.