За тыдзень выбухнулі ўжо пяць новых iPhone 8 Plus ФОТА
Падобна на тое, што акумулятары яшчэ некалькіх смартфонаў iPhone 8 Plus вырашылі вырвацца на волю. У пачатку тыдня адна з прыладаў выбухнула ў Японіі, іншая — на Тайвані. Пра новыя выпадкі ненатуральнага ўздуцця паведамляюць з Грэцыі, Канады і Ганконга. Пры Джобсу такога не было, іранізуе hi-tech.mail.ru.
Іх становіцца ўсё болей
У першым выпадку, калі ўзарваліся акумулятары iPhone 8 Plus з Тайваня і Японіі, можна было выказаць здагадку, што яны ўваходзілі ў адну партыю (хоць і малаверагодна). Сюды пры вялікім жаданні можна ўпісаць і Ганконг… Але як жа Канада і Грэцыя? Атрымліваецца, што праблемы тычацца iPhone 8 Plus з абсалютна розных партый і паставак.
Як менавіта «ўздуваюцца» iPhone 8 Plus?
Праблемы з новымі флагманамі Apple можна ўмоўна падзяліць на дзве катэгорыі: некаторыя з іх «выбухаюць» наўпрост у пакунку і трапляюць да пакупніка ўжо ў сапсаваным выглядзе. Іншая частка iPhone 8 Plus «уздуваецца» падчас зарадкі афіцыйнай зараднай прыладай. Пры гэтым, па сутнасці, адбываецца адно і тое ж: акумулятар нечакана «раздзімаецца» і ламае смартфон знутры.
Добрай навіной тут з'яўляецца тое, што узгарання ў гэтых выпадках не адбываецца, таму ніякай шкоды, акрамя псавання самога тэлефона, маёмасці не наносіцца. Вытворца ўжо пачаў афіцыйнае расследаванне гэтых выпадкаў, у той жа час, лік іх толькі расце.
Нагадаем, на прэзентацыі 12 верасня кампанія Apple прадставіла адразу тры смартфоны: iPhone 8, iPhone 8 Plus і iPhone X. І калі першыя два ўжо даўно з'явіліся ў крамах (гэтым разам абыйшлося без ажыятажу), то купіць iPhone X можна будзе толькі праз месяц.
