«Сітуацыю трэба папраўляць» — Лукашэнка незадаволены рэалізацыяй сумесных праектаў у Венесуэле

Тэмпы рэалізацыі сумесных праектаў не задавальняюць ані беларускі, ані венесуэльскі бок.

Пра гэта Аляксандр Лукашэнка заявіў сёння на перамовах з прэзідэнтам Венесуэлы Нікаласам Мадура ў пашыраным складзе, перадае БелТА.

Кіраўнік дзяржавы адзначыў, што Венесуэла — стратэгічны партнёр Беларусі ў Лацінскай Амерыцы. За адносна кароткі гістарычны тэрмін краіны стварылі надзейную палітычную і эканамічную базу двухбаковага ўзаемадзеяння.

«У апошнія гады з-за складанай сітуацыі ў свеце тэмпы рэалізацыі сумесных праектаў значна знізіліся. Нас не задавальняе гэта — ні беларускі, ні венесуэльскі бок. Сітуацыю трэба папраўляць», — падкрэсліў Аляксандр Лукашэнка.

0

0

0

0

0

0