Што пісала «Наша Ніва» ў кастрычніку 110 і 10 гадоў таму
Гродна. Хочуць выбраць дэпутатам вядомага ўсім адваката Астрагорскага (жыда), каторы быў ужо ў першай Думе і там цвёрда стаяў за новы парадак і свабоду. Каб усе сем дэпутатаў былі добрыя, трэба, каб мужыкі злучыліся з палякамі і жыдамі, проці правых.
НН. №31. 1907
Асноўныя праблемы беларускага інтэрнэтузасталіся ранейшымі. Пра гэта на канферэнцыі «Дзелавы інтэрнэт» паведаміў генеральны дырэктар УП «Надзейныя праграмы» Юрый Зісер.
Паводле яго слоў, асноўных праблем у байнэту некалькі: «фантастычная дарагоўля» паслуг доступу ў сетку; непрадуманае ліцэнзаванне; адсутнасць у дзяржаўнага сектара і экспарцёраў патрэбы ў айчыннай інтэрнэт-рэкламе; недасканаласць прававой базы электроннага дакументаабарота, адным з вынікаў чаго з’яўляецца немагчымасць яго паўнавартаснага ўкаранення ў краіне. Паводле слоў Ю.Зісера, праблемай таксама з’яўляецца адсутнасць інтэрнэт-гандлю ў звыклым яго разуменні, бо няма поўнага цыкла любога гандлю «замова — аплата — дастаўка», усё зводзіцца толькі да замаўлення тавараў праз інтэрнэт.
4 кастрычніка 2007