Як будзе выглядаць горад, які пабудуюць у ААЭ для імітацыі жыцця на Марсе?
Аб'яднаныя Арабскія Эміраты вырашылі ўзяць удзел у гонцы па каланізацыі Марса, якая намецілася апошнія гады сярод розных дзяржаўных і прыватных кампаній па ўсім свеце. У краіне вырашылі пабудаваць цэлы горад для імітацыі жыцця на Чырвонай планеце.
Праект будаўніцтва паселішча, кошт рэалізацыі якога складае каля 136 млн даляраў, ужо ўхвалены ўрадам ААЭ. Новае муніцыпальнае ўтварэнне атрымае назву «Марсіянскі навуковы горад» і стане часткай доўгатэрміновага плана шэйха Махамеда ібн Рашыд Аль Мактума і Касмічнага цэнтра Эміратаў па рэалізацыі грандыёзнай марсіянскай місіі па стварэнні чалавечай калоніі на Марсе ў пачатку XXII стагоддзя.
Згодна з будаўнічым планам, плошча горада будзе складаць 177 тысяч квадратных метраў. Распрацоўкай плана горада, які будзе складацца з некалькіх велізарных футурыстычных будынкаў у выглядзе купалоў, займаўся знакаміты дацкі архітэктар Б'ярке Інгельс у супрацоўніцтве з інжынерамі і навукоўцамі ААЭ. Унутры гэтых будынкаў знойдуць месца мноства лабараторый, якія зоймуцца пошукамі рашэнняў у забеспячэнні каманды марсіянскіх каланістаў ежай, энергіяй і вадой.
Пра тэрміны будаўніцтва горада не паведамляецца, але ўжо цяпер у нас ёсць магчымасць паглядзець, як будуць выглядаць яго неверагодныя футурыстычныя будынкі ўнутры і звонку.
Фота: Emirate Mars Mission